Төрийн өмчит болон төрийн өмчийн оролцоотой 71 байгууллагын ТУЗ-ийн гишүүдийн нэрсийг shilen.gov.mn сайтад нээлттэй байршууллаа. Төрийн өмчит болон төрийн өмчийн оролцоотой нийт 120 гаруй байгууллага байдаг. Эхний ээлжинд 71 байгууллагын ТУЗ-ийн гишүүдийг ил болголоо.

Төрийн өмчит компаниудын ТУЗ-ийн гишүүнээр сонгогдон ажиллаж байгаа этгээдүүдийг буруутгах боломжгүй. Мэргэжлийн шалгуур үзүүлэлтүүдийг хангадаг, ажил үүргээ хариуцлагатай биелүүлдэг ТУЗ-ийн гишүүд олон бий. Үүний цаана шалгуурт нийцэхгүй байгаа хүн байгаа эсэхэд л хяналт тавих ёстойг Цахим хөгжил, харилцаа холбооны сайд Н.Учрал хэллээ.