Ираны эрх баригчид мусульманы хувцас өмсөх дэг журмыг зөрчсөн эмэгтэйчүүдийг олж, шийтгэхийн тулд ажиглалтын камер ашиглаж эхэлнэ гэж тус улсын цагдаагийнхан мэдэгдсэнийг  The Guardian сонин дамжуулжээ. 

Эх сурвалжийн мэдээлснээр, Иран даяар гудамж болон олон нийтийн газруудад камер суурилуулж, журам зөрчсөн эмэгтэйчүүдийг илрүүлэх гэнэ. Цагдаагийнхан журам зөрчсөн эмэгтэйчүүдэд зөрчлийн талаарх сануулга болон нотлох баримтыг илгээх бөгөөд эхний удаад сануулж, давтан зөрчил гаргавал шүүхэд шилжүүлэх аж. Түүнчлэн энэ камерын тусламжтайгаар явган зорчигчийн эрхийг зөрчсөн автомашин эзэмшигчдийг олж илрүүлэн, давтан зөрчил гаргасан тохиолдолд машиныг нь хураахаар болжээ. 

Энд дуулгахад, 1979 оны исламын хувьсгалын дараа эмэгтэйчүүдийг олон нийтийн газарт толгойн алчуур зайлшгүй зүүж явах заалтыг хуулинд тусгасан юм. Харин өнгөрсөн жил хижаж өмсөх журмыг зөрчсөн гэгдэж цагдаагийнханд саатуулагдсаныхаа дараа амиа алдсан Махса Амини бүсгүйн үхлээс үүдэлтэй эсэргүүцэл дэгдсэнтэй холбоотойгоор эмэгтэйчүүд хижаб өмсөх журмыг зөрчих нь олширсон байна.

Г.Бямбасүрэн