Зургаадугаар сарын гуравны өдөр Буриадын нийслэл Улаан-Үд хотод "Буриад улс 100 жил" нэртэй Буриадын түүх, соёлыг харуулсан театрчилсан үзүүлбэр болох аж. Энэ тоглолтод Хүннүгийн үеэс өнөө цаг хүртэлх Буриадын бүхий л түүхийг харуулна гэж Буриадын засгийн газрын хэвлэлийн алба мэдээлжээ.
Буриадын 100 жилийн ойд зориулсан тоглолтод Буриад, Өвөр Байгаль, Эрхүү муж, Монголын нийт 2000 гаруй уран бүтээлч оролцох юм байна. Тоглолт болох тайзыг гэр хэлбэртэй барих бөгөөд найман өнцөгт нь том дэлгэц байрлуулан цэнгэлдэх хүрээлэнгийн аль ч талаас үзэх боломжийг бүрдүүлэх гэнэ.
"Ганцхан гэр нь гэхэд л 17 метр өндөртэй, 20 орчим тонн жинтэй байна. Гэрийн тооноос цэнгэлдэх хүрээлэнгийн өнцөг бүр рүү хийморийн дарцаг татна" хэмээн тоглолтын ерөнхий зураач Алексей Амбаев өгүүлжээ.
Г.Бямбасүрэн
| Уншиж байна |