Тайванийн Ерөнхийлөгч Цай Инвэнь энэ өдрүүдэд АНУ-д айлчилж, тус улсын хууль тогтоогдчидтой уулзаж байгаа. Харин үүнийг БНХАУ-ын тал эрс эсэргүүцэж байгаа юм. Энэ удаад Хятадын Батлан хамгаалах яам мэдэгдэл гаргажээ. 

БНХАУ-ын Батлан хамгаалах яам АНУ, Тайванийн хоорондын аливаа харилцааг эсэргүүцэж, тусгаар тогтнол, нутаг дэвсгэрийн бүрэн бүтэн байдлаа хамгаалахад бэлэн байгаагаа илэрхийлсэн байна. 

"АНУ, Тайванийн хооронд аливаа албан харилцаа явуулж байгаа, Тайванийн удирдлагууд аливаа шалтгаг, шалтгаанаар АНУ руу очиж байгаад бид шийдэмгий эсэргүүцэл илэрхийлж байна. "Нэг Хятад" зарчмыг АНУ зөрчиж байгааг шийдэмгий эсэргүүцэж байна" хэмээн БНХАУ-ын Батлан хамгаалах яамны мэдэгдэлд өгүүлжээ. 

Түүнчлэн Батлан хамгаалах яам Вашингтонд хандан "БНХАУ-ын хэрэгт бүдүүлгээр оролцохоо" зогсоохыг уриалсны дээр Хятадын Ардын чөлөөлөх арми Тайванийн хоолойд энх тайван, тогтвортой байдал, тусгаар тогтнолыг хамгаалах зорилгоор байлдааны бэлэн байдалтай байгаа гэдгийг онцолсон байна.

Г.Бямбасүрэн