Аль орны далбаатай явж байгаагаас үл хамааран Оросын бүхий л хөлөг онгоцуудыг боомт дээрээ хүлээн авахгүй байх шийдвэрийг Болгарын эрх баригчид гаргажээ. Энэ талаар The Moscow Times сонин мэдээлсэн байна. 

Эх сурвалжийн мэдээлснээр, Болгарын эрх баригчид хориг хэрэгжүүлэх тухай Европын холбооны захирамжийн дагуу Оросын хөлөг онгоцуудыг аль орны далбаатайгаас үл хамааран боомтууд дээрээ хүлээн авахгүй гэсэн шийдвэр гаргасан бөгөөд энэ шийдвэр дөрөвдүгээр сарын наймны өдрөөс эхлэн үйлчлэх аж. 

Өнгөрсөн оны дөрөвдүгээр сард Болгарын боомтууд руу ОХУ-ын далбаатай хөлөг онгоцуудыг нэвтрэхийг хориглож байсан юм. Харин энэ удаад аль орны далбаатай байхаас үл хамааран, Оросын бүх хөлөг онгоцыг нэвтрүүлэхгүй байхаар шийджээ.

Г.Бямбасүрэн