Египетийн Хеопсын цац суваргын хонгил руу жуулчдыг энэ зун оруулахгүй байх шийдвэр гаргажээ. Таван мянганыг элээсэн энэ байгууламжийг сэргээн засварлах хэрэгтэй гэж үзсэний улмаас ийм шийдвэр гаргасан байна. 

Хеопсын цац суваргын хонгилыг хаах үеэр чухам ямар сэргээн засах ажил хийх талаар тодорхой мэдээлэл гараагүй байна. Египетийн зарим хэвлэлийн мэдээлснээр, орох хэсгийн байгууламжид хүчитгэл хийж, гэрэлтүүлгийн системийг шинэчлэх аж. Ийм сэргээн засварлах ажлыг таван жилийн өмнө Хефрений цац суваргад хийж байжээ. 

Хеопсын цац суваргын сэргээн засварлалтын ажлыг зургадугаар сард эхлэх юм байна. Харин дуусах хугацааг хэлээгүй, өмнө нь Хефрений цац суваргад сэргээн засварлах ажлыг хоёр сарын хугацаанд хийж гүйцэтгэж байжээ. 

Г.Бямбасүрэн