Засгийн газрын ээлжит хуралдаанаас гаргасан шийдвэрийг танилцуулж байна. 

Хуралдаанаас гаргасан шийдвэрийн талаар Эдийн засгийн хөгжлийн сайд Ч.Хүрэлбаатар "Засгийн газраас гадаад валютын улсын нөөцийг нэмэгдүүлэх шийдвэр гарснаас хойш зургаан сар өнгөрсөн байна. Өнгөрсөн зургаан сарын хугацаанд буюу өнгөрсөн гуравдугаар сарын эцсийн байдлаар 3,4 тэрбум долларын валютын нөөцтэй боллоо. Энэ нь нүүрсний экспортын бүх үйл ажиллагааг цахимжуулсаны үр дүн. Нийтдээ 800 гаруй гэрээ бүртгэгдэж, энэ гэрээний дагуу нүүрс экспортлогдож байна. Монгол Улсын он гарснаас хойш 14 сая тонн нүүрс экспортлосон байна. Энэ нь өнгөрсөн оны мөн үетэй харьцуулахад 10 сая тонноор нэмэгдсэн дүн юм. Мөн нүүрсийг биржээр худалдаж, хил нөхцөлөөр борлуулж эхэлсэн нь валютын нөөц нэмэгдүүлэхэд чухал түлхэц болсон. 

Он гарснаас хойш гурван сарын байдлаар инфляцийн түвшин 10,6 хувьд хүрч буурсан. Энэ нь хэрэгжүүлж байгаа бодлогын арга хэмжээнүүд үр дүнгээ өгч байгаагийн илрэл юм" гэлээ.

П.ГОО