Афганистаны төрийн эрхийг барьж буй исламын "Талибан" хөдөлгөөнийхөн НҮБ-ын ажилтнууд болон афган эмэгтэйчүүдийг Афганистаны нутаг дэвсгэр эдэр ажиллахыг хоригложээ. 

НҮБ-ын Ерөнхий нарийн бичгийн даргын албан ёсны төлөөлөгч Стефан Дюжаррикийн өгүүлснээр энэ хориг орон даяар үйлчилж байгаа гэнэ. Энэхүү хориг нь "байж болшгүй, ойлгомжгүй" хэрэг гэж Дюжаррик өгүүлээд, тусламж шаардлагатай хүмүүст тулж ажиллах хүмүүнлэгийн байгууллагуудын үйл ажиллагааг тасалдуулах эрсдэлтэй хэмээн анхааруулжээ. 

Өмнө нь НҮБ-д афган эмэгтэйчүүдийг ажиллахыг хориглосон шийдвэр Нангархар мужид л үйлчилж байв. Улмаар энэ нь шийдвэр орон даяар үйлчлэх болжээ. Талибууд төрийн эрхэнд гарсан цагаасаа эхлээд л эмэгтэйчүүдийн эрхийг боомилж байгаа бөгөөд хамгийн сүүлд гэхэд л 2022 оны 12 дугаар сард эмэгтэйчүүдийг төрийн бус байгууллагад ажиллахыг хориглож байсан юм. Түүнчлэн эмэгтэйчүүд талибуудын үед сурч боловсрох ч эрхгүй болсон байна. 

Г.Бямбасүрэн