"Мөнх ягаан" нэртэй нэн ховор ягаан бриллиантыг Нью-Йорк хотын Sothebay's дуудлага худалдаагаар худалдахаар болжээ. Энэ талаар The Mirror сонин мэдээлсэн байна. 

Эх сурвалжийн мэдээлснээр, энэ үнэт чулууг 35 сая доллараас эхлэн дуудах аж. Энэ ховор ягаан чулууг Ботсванагаас олборлосон бөгөөд 10,57 карат жинтэй энэ чулууг арилжааны түүхэн дэх хамгийн үнэтэй ягаан бриллиант гэж үздэг. 

Ягаан бриллиант нь дэлхийн хамгийн ховор, хамгийн эрэлттэй үнэт чулууны нэгд тооцогддог юм. Ийм чулуу дуудлага худалдаагаар хамгийн өндөр үнэд хүрч байсан тохиолдол 2017 онд гарч байв. Тухайн үед CTF Pink Star ягаан өнгийн бриллиантыг 71,2 сая доллараар Хонконгт зарж байжээ. Түүнчлэн 2022 онд Williamson Pink Star бриллиантыг 57,7 сая доллараар зарж байв.

Г.Бямбасүрэн