ОПЕК+ бүлгийн орнууд хоногт олборлох газрын тосны олборлолтоо бууруулах шийдвэр гарсны дараа дэлхийн зах зээл дээрх газрын тосны үнэ өсөж эхэлсэн талаар ВВС агентлаг мэдээлжээ.

ОПЕК+ бүлэгт Саудын Араб, Ирак, Персийн булангийн хэд нхэдэн орон болон Орос улс багтдаг бөгөөд энэ бүлэг дэлхийн газрын тосны үйлдвэрлэлтийн 40 хувийг хангадаг юм. Улмаар Саудын Араб, Ирак, Орос зэрэг орнууд газрын тосны олборлолтоо бууруулах шийдвэр гаргасан нь энэ бүтээгдэхүүний үнийн өсөлтөд нөлөөлжээ. Эх сурвалжийн мэдээлснээр, даваа гарагт арилжаа нээгдэх үед Брент маркийн газрын тосны үнэ таван доллар буюу долоон хувиар нэмэгдэж, 85 долларыг давсан байна. 

Газрын тосны зах зээлийн шинжээчдийн үзэж байгаагаар, олборлолтыг бууруулах болсон нь дунд хугацааны ирээдүйд нэг баррелийг 80 доллараас дээш үнэтэй байлган барих гэсэн эрмэлзэлтэй холбоотой байж магадгүй гэнэ. Оросоос газрын тосны нийлүүлэлтийг тодорхой хүрээнд л хязгаарлаж чадсан, түүнчлэн дэлхийн эдийн засгийн улмаас энэ түлшний эрэлт буурч магадгүй гэж болгоомжилсны улмаас олборлолтоо бууруулах замаар үнийг тогтоон барихаар төлөвлөсөн байж магадгүй аж. 

Г.Бямбасүрэн