McDonald's корпораци АНУ дахь оффисуудаа дөрөвдүгээр сарын гуравны өдрөөс эхлэн долоо хоногийн хугацаатай түр хаахаар болжээ. Энэ талаар компанийн удирдлага ажилтнууддаа илгээсэн захидалд өгүүлсэн гэж The Wall Street Journal мэдээлсэн байна.

Эх сурвалжийн мэдээлснээр, ийнхүү офисуудаа хаах болсон нь цомхотголтой холбоотой гэнэ. Компанийн удирдлага бүхий л нийлүүлэгчтэй хийх уулзалт, бусад арга хэмжээнүүдийг цуцлахыг зөвлөсөн байна. Ийнхүү оффисыг хаасан долоо хоногийн хугацаанд "байгууллага даяар албан тушаал, мэргэжилтний тоотой холбоотой чухал шийдвэрийг дуулгана" хэмээн удирдлагын захидалд өгүүлжээ. 

Өмнө нь, нэгдүгээр сард McDonald's компанийн  удирдлага цомхотголтой холбоотой "хүндхэн шийдвэр" гаргахаар төлөвлөж байгаагаа ажилтнууддаа мэдээлж байв. Цомхотголын хүрээнд хичнээн хүнийг ажлаас нь халах нь тодорхойгүй байгаа аж. Энэ байгууллагад нийт 150 мянга орчим хүн ажилладгийн 70 хувь нь АНУ-д байдаг аж. 

Г.Бямбасүрэн