"Оскар", "Грэмми", БАФТА, "Алтан бөмбөрцөг" зэрэг нэр хүндтэй шагналуудын эзэн, Японы хөгжмийн зохиолч Рюити Сакамото 71 насандаа таалал төгсжээ. Энэ талаар ВВС агентлаг мэдээлсэн байна. 

Сакамото гуравдугаар сарын 28-ны өдөр таалал төгссөнийг өнгөрсөн ням гарагт мэдээлжээ. Сакомото 2014 онд хорт хавдартай болсон нь оношлогдсон байна. Тэрээр Оскарын шагнал хүртсэн анхны япон хүн болсон юм. 1988 онд "Сүүлчийн эзэн хаан" киноны хөгжмөөр Сакомото Оскар хүртжээ. 

Сакомото Yellow Magic Orchestra хамтлаг байгуулснаар  нэр алдарт хүрэх эхлэл нь тавигдаж байсан гэдэг. Тэрээр 1978 онд энэ хамтлагийг Харуоми Хосоно болон Юкихиро Такахаши нарын хамт байгуулжээ. Энэ хамтлагийн бүтээл Японы электрон хөгжмийн үндсийг тавьсан юм.

Г.Бямбасүрэн