МТС, Хөсөг трейдийн баруун уулзварын нэг чигийн хөдөлгөөний өөрчлөлтийг түр хойшлуулах болсон талаар замын удирдлагын төвөөс мэдээлэл хийлээ. 

Улаанбаатар хотын Авто замын түгжрэлийг бууруулах нэгдсэн төслийн захирал Ч.Батзориг 

Энэ сарын 28-наас эхлээд хоёр байршил, гурван уулзварт  автозамын чиглэлийн өөрчлөлтүүдийг хийж эхэлсэн. Эдгээр туршилтыг хэд хэдэн судалгаан дээр суурилж, хэрэгжүүлж байна. Өмнөх судалгаанд суурилж өөрчлөлтийг хийсэн ч зарим нэг хүндрэлтэй асуудал гарсан. Хотхоны оршин суугчдын эсэргүүцэлтэй тулгарсан ч албаныхан хэрэгжилтийг үргэлжлүүлж байна. Бид замын хөдөлгөөний чиглэлийн өөрчлөлтийг шат дараатай явуулах болно.

 
Цаашид ЧД, СБД-т замын хөдөлгөөний чиглэлд өөрчлөлт оруулна. Өөрчлөлтийг цуцалсан зүйл байхгүй. Туршилтын хугацаа энэ долоо хоногт дуусах ба үр дүнгийн талаарх мэдээллийг ирэх долоо хоногт дэлгэрэнгүй мэдээлэл өгнө. 

Замын хөдөлгөөний удирдлагын төвийн захирал С.Адъяасүрэн

Судалгаа тооцоогүй замын хөдөлгөөний өөрчлөлт хийгээгүй. Тооцоолсон судалгаагаа бататгахаар туршилт хийсэн юм. Дэлхийн бусад хотод хийдэг авто замын хөдөлгөөн зохион байгуулалтын аргачлалын дагуу тооцооллыг хийн, хөдөлгөөний өөрчлөлтийг хийж байна.

Алтай хотхон, Хөсөг трейдийн баруун уулзварын нэг чигийн хөдөлгөөний өөрчлөлтийг 21 хоног туршиж, тооцооллоо бататгах байсан. Гэвч иргэдийн нөхцөл байдлаас хамаараад өнөөдөр 22:00 цагаас туршилтаа түр зогсоож байна" гэв.