Цор ганц хувиар хийсэн, морин хуур хөгжмийг Москвагаас Улаан-Үдэд авчирсан талаар Буриадын "Байкал" дуу бүжгийн үндэсний театрын хэвлэлийн алба мэдээлжээ.

Энэ морин хуурыг хус, арьсаар хийж, 925 сорьцтой хаш чулуу шигтгэсэн аж. Төрийн думын орлогч дарга Алексей Гордеев хувийн зүгээс бэлэг болгон энэхүү морин хуурыг театрынханд илгээсэн гэнэ.

"Монгол түмний чухал бэлгэдлийн нэг болсон морин хуур "Байкал" театрын шинэ байран дахь ариун зэмсгийн нэг болж, үндэсний соёл урлаг, Буриадын урлагийн гайхамшгийг харуулж байхыг ерөөж байна. "Байкал" театр бол Орос даяар төдийгүй хилийн чанадад ч суугаа буриадуудын соёлын өвийг тээж буй гол төлөөлөгчдийн нэг" хэмээн Төрийн Думын орлогч дарга өгүүлжээ. 

ЮНЕСКО-ийн хүн төрөлхтний соёлын өвийн жагсаалтад багтсан морин хуур хөгжим Буриадын Үндэсний найрал хөгжмийн голлох хөгжмийн зэмсгүүдийн нэг болдог аж.

Г.Бямбасүрэн