Цагдаагийн ерөнхий газраас гурван настай хүүг зодож гэмтээсэн гэх хэргийн талаар мэдээлэл өглөө.

ЦЕГ-ын Хэвлэл мэдээллийн төвийн дарга, цагдаагийн хошууч Г.Мөнхбаяр

Энэ сарын 08-ны өдөр гурван настай хүү ГССҮТ-д зодуулсан байдалтай ирсэн байдаг. Хүүг ээжийнх нь хамтран амьдрагч Э энэ сарын 06-ны өдөр зодож, хоёр хоног гэртээ нуун улмаар ГССҮТ-д хүргэсэн. 

Гурван настай хүүг зодсон гэх хэрэгт Э-г нэг сарын хугацаатайгаар цагдан хорьсон. Мөрдөн шалгах ажиллагааг явуулаад яллагдагчаар татах саналыг прокурорын байгууллагад хүргүүлж байгаа. Хүүгийн биеийн байдал дээрдэж, өнөөдөр Турк улс руу эмчилгээнд явахаар болсон тухай ар гэрийнхэн нь хэвлэл мэдээллийн байгууллагад мэдээлэл өгсөн байсан. Түүний ээжийг яллагдагчаар татах саналыг цагдаагийн байгууллагаас тавьж байгаа" гэв.