Засгийн газрын өнөөдрийн хуралдаанаас гаргасан шийдвэрийн талаар мэдээлэл хийлээ. 

Энэ үеэр Засгийн газрын хэрэг эрхлэх газрын дарга Д.Амарбаясгалан "УИХ-ын гишүүн  Н.Энхболд нарын гишүүд УИХ-ын сонгуулийн тухай  хуулийн нэмэлт өөрчлөлтийг боловсруулж байна. Энэ хүрээнд Засгийн газраас санал авахаар ирүүлсэн. ЗГ-аас 30 гаруй саналыг нэгтгэж хүргүүлэхээр санал нэгдсэн. 

1. Улс төрийн намууд 38 можаритор тойргоос шууд сонгогдох, 38 нь пропорциональ элементээр буюу намын нэрийн жагсаалтаар шууд сонгогдох хувилбар боловсруулагдаж байна. Тэгвэл намууд можаритор тойргийн  50 хувьд нэр дэвшүүлсэн тохиолдолд пропорциональ элементэд суудал авах саналыг Засгийн газраас гаргасан. Улстөрийн намын олон нийтийн саналыг харгалзан үзээд гурван хувийн босгыг тавьж өгсөн. Гурван хувийн босгыг давсан улстөрийн намууд нь парламентад суудалтай болох нөхцлийг бүрдүүлж байгаагаараа онцлог. ОУ-д энэ босгыг 5-6 хувьд барих нь зохимжтой гэж үздэг. Улстөрийн намыг үзэл баримтлалаар нь дэмждэг болсон тогтолцоотой улсуудад хэрэгждэг. Хоёр нам нэгдэж сонгуульд оролцох тохиолдолд босгын хувийг 5 болгож байгаа. ОУ-д 7 хувьтай байдаг. 

2. Жендерийн тэнцвэртэй байдлыг хангах асуудлын хүрээнд сонгуулийн хуулийн төсөлд эмэгтэйчүүдийн квот 30 босготой байх юм. 38:38 буюу пропорциональ элементэд орох нэр дэвшигчид нь  гишүүдийн санаачилсан хуулийн төсөлд 3:1 / гурван эрэгтэй нэг эмэгтэй/ байхаар зохицуулалт хийхээр оруулж ирсэн. Засгийн газар 1:1 байхаар саналаа тусгасан" гэлээ. 

П.ГОО