Баянзүрх дүүргийн Засаг даргыг огцруулах талаар ИТХ-ын төлөөлөгч нар мэдээлэл хийлээ. ИТХ дахь Ардчилсан намынхны хэлж буйгаар Засаг дарга хэр нь дүүргийнхээ хүн амын тоог ч мэддэггүй, БЗД нь засаглалын хувьд хангалтгүй ажиллаж байгаа гэв. Мөн түүнийг Нийслэлд болдог ИХТ-ийн 10 удаагийн хуралд биечлэн дөрөвхөн удаа оролцсон гэдгийг цохон хэлж байсан юм. 

Мөн Засаг дарга Н.Баярмөнхийг дараах шалтгаанаас болж ажлаа хангалтгүй хийж байна хэмээн үзэж байна. 

1. БЗД-т төрийн үйлчилгээг иргэдэд ойртуулах нэрээр 28 хороог 43 болгож нэмэгдүүлсэн нь төрийн үйлчилгээний хүнд суртлыг улам нэмсэн
2.  Өөрийн хамаатан садан, найз нөхөд гээд хамаарал бүхий хүмүүсийг томилсон хэмээн хардаж байна 
3. Өрхийн тоо, хүн амын тоогоо мэдэхгүй ажиллаж байгаа нь засаглал хямралд орсон. 
4. Цар тахлын үед 2020 оны 11 дүгээр сард томилогдсон. Томилогдоод удаагүй байхдаа дүүргийн төсөвт тодотгол хийж Засаг даргын нөөцийн хөрөнгө дээр 2,5 тэрбум төгрөг нэмсэн нь зарцуулалт тодорхойгүй. 
5. БЗД-ийн хүн амыг 50400, 19400 өрхөөр нэмэгдүүлж бүртгэсэн байгаа нь сонгуулийн луйврын шинжтэй байж магадгүй гэсэн хардлага төрүүлж байна.
6. БЗД-ийн 26-р хороонд хөл хорио тогтоож байгаад Засаг даргын ажлыг авсан.
7. БЗД нь 0-16 насны 159 мянган хүүхэдтэй ба Дүүргийн нэгдсэн эмнэлгийн хүчин чадал хангалтгүй байхад, төсөв өмнөх жилээс 10 дахин нэмэгдсэн ч эмнэлэг эрүүл мэндийн үйлчилгээг нэмээгүй, тэлээгүй зэрэг олон асуудлуудыг ар араас нь гаргасан гэв.