Гуравдугаар сарын 27-ны өдөр Монголын иргэн Номин Есүхэй гэх эмэгтэйг баривчилсан талаар Тайландын Пхукет арлын нисэх буудлын Цагаачлалын товчоо Фейсбүүк хуудсандаа бичжээ.
Цагаачлалын товчооны мэдээлснээр, олон улсын чиглэлийн нислэгийн танхим дахь паспортын хяналтын хэсэгт Монголын иргэн эмэгтэйг баривчилсан байна. Тэрбээр тийзтэй байсан тул Тайландаас оргон зайлахыг завдаж байсан гэж үзсэн хэмээн мэдээлэлд өгүүлжээ.
Түүнийг Самут-Пракан мужийн шүүхээс хоёр өдрийн өмнө буюу гуравдугаар сарын 25-ны өдөр гаргасан 196/2566 тоот тогтоолын дагуу баривчилсан байна. Баривчлах шалтгаан нь "нисэх буудал дээр хоёр болон түүнээс дээш удаа хулгайн гэмт хэрэг үйлдсэн"-тэй холбоотой гэж мэдээлэлд өгүүлжээ.
Улмаар нисэх буудлын цагаачлалын товчооны ажилтнууд Монголын иргэн эмэгтэйг баривчлан саатуулж, цагдаагийн хэлтэст хүлээлгэн өгсөн аж.
Г.Бямбасүрэн
Уншиж байна |