Төрийн байгууллагууд төсвийн мөнгөө хэрхэн зарцуулж байгаа мэдээллийг цувралаар хүргэж байгаа билээ. 

Энэ удаад Ерөнхийлөгчийн тамгын газар төсвийн жил эхэлснээс хичнээн төгрөг зарцуулсан талаарх мэдээллийг хүргэе. Ерөнхийлөгчийн тамгын газар өнгөрсөн нэг, хоёрдугаар сард цалингийн зардлаас бусад таван сая төгрөгөөс дээш үнийн дүн бүхий зарлагын мөнгөн гүйлгээ хийгээгүй хэмээн мэдээлсэн байна. 

Харин энэ сард 11 төрлийн цалингийн зардлаас бусад таван сая төгрөгөөс дээш үнийн дүн бүхий зарлагын мөнгөн гүйлгээ хийснээ мэдээлсэн байна. Тодруулбал, ахмад настны тухай хуулийн хүрээнд сар шинийн арга хэмжээний зардалд 26 сая төгрөг, МУ-ын Ерөнхийлөгчийн ажлын хэсгийн Дорноговь аймагт ажиллахад 10 сая төгрөг, хүүхэд залуучуудад эх оронч үзлийг төлөвшүүлэх зорилго бүхий БИДНИЙ БАХАРХАЛ төслийн арга хэмжээнд 25 сая төгрөг, МУ-ын Ерөнхийлөгчийн нэрэмжит шилдэг сонсогч, сурагчийн шагналд 7 сая төгрөг, ОУ-ын эмэгтэйчүүдийн эрхийг хамгаалах өдрийн арга хэмжээний зардалд 10 сая төгрөг, Засгийн газрын авто бааз руу 10 сая төгрөг тус тус зарлагадсан байна.