Оросын Аюулгүйн зөвлөлийн дэд дарга Дмитрий Медведев Украиныг Оросын нэг хэсэг гэж үздгээ илэрхийлжээ. Түүний өгүүлснээр, геополитикийн шалтгаануудын улмаас Орос, Украины иргэд "санаанаасаа зохиосон хил хязгаар"-тай эвлэрэхээс аргагүй болсон гэнэ.
"Шударга л ярья, Украин бол Оросын л нэг хэсэг шүү дээ. Гэвч геополитикийн шалтгаан, болж өнгөрсөн түүхээс болж бид өөр өөр байранд амьдардаг гэдэгтэйгээ эвлэрч, санаанаасаа зохиосон хэл хязгаарыг хүлээн зөвшөөрөхөөс аргагүй болсон" хэмээн Медведев Оросын сэтгүүлчдэд өгсөн ярилцлагадаа өгүүлжээ.
Түүний өгүүлснээр, орчин цагийн Орос, Украины нутаг үргэлж л Оросын эзэнт гүрний хэсэг байсан, мөн орос хүн ам анхнаасаа л суурьшсан байсан гэнэ.
"Энэ бүгд Оросын эзэнт гүрэн байсан. Үргэлж л Оросын бүрэлдэхүүн байж, орос ард түмэн суурьшсан байсан. Аугаа Орос орны бүрэлдэхүүнд байсан юм" хэмээн Медведев өгүүлжээ.
Энд дуулгахад, 2021 онд Оросын Ерөнхийлөгч Владимир Путин сэтгүүлчдэд ярилцлага өгөх үеэр украинчууд болон оросууд бол нэг ард түмэн гээд, ард түмнийг нь гадаадын хүчнүүд хагалан бутаргаж байна хэмээн буруутгаж байлаа. Ийнхүү нэг ард түмэн гэж нэрлэж байсан ч түүний тушаалаар 2022 онд Украинд дэгдээж, өнөөг хүртэл үргэлжилж байгаа юм.
Г.Бямбасүрэн
| Уншиж байна |