Энэ сарын 6-нд гурван настай  хүүхэд ээжийнхээ хамтран амьдрагчид зодуулж, хүнд гэмтэл авсан жигшүүрт хэрэг гарсан.

Хүү ГССҮТ-д ирснээс хойш ухаангүй байдалтай, эрчимт эмчилгээний тасагт эмчлүүлж байгаа бөгөөд өнөөдөр хүүгийн аав болон авга ах хэвлэлд хандан мэдээлэл хийлээ. 

Гурван настай хүү Батзаяагийн аав М.Цогтбаатар "Хүүгээ гэмтсэнийг мэдээд эмнэлэгт ирэхэд зүүн талын шанаа битүү хөхөрсөн. Баруун гар нь хугарсан, гипстэй байсан. Харахад үнэхээр хэцүү. Эмнэлэгт ирэхдээ хатгаатай байсан. Хатгааг бас эмчилж байна. Анх ирэхэд найдваргүй гэсэн хариу өгсөн. Одоо бол аппартнаасаа гарсан. Эмч нартайгаа ярилцсаны эцэст "гадаадад эмчлүүлж болно" гэсэн хариу өгсөн. ГССҮТ-ийн эмч нарт үнэхээр баярлаж байна. Олон газар руу хандсан. Туркээс нааштай хариу ирсэн. Хүүгийнхээ тархи болон нугасанд эмчилгээ хийлгээр Турк улс руу явахаар болсон. Зөвхөн эмнэлгийн зардал нь 150 сая төгрөг болно гэсэн. Иймээс ард түмэндээ хандаж, хүүгийнхээ эмчилгээний зардалд тусламж хүсэж байна.

Анх багыгаа ээж нь хүүг би том хүүгээ би авсан байсан. Цагаан сарын өмнө том маань намайг уурхай явах үед " ааваа, би ээж дүү 2-тойгоо хамт баймаар байна" гээд ээж дээрээ очсон" гэсэн юм.

Гурван настай хүүгийн авга ах "Хүүгийн эх гээд байгаа хүн 7,8 хүнтэй явалдсан. Сүүлийнх нь ачийг минь ийм болгочихлоо. Яргалал үйлддэг өдөр томыг нь өөр газар орхисон байсан. Хүүг гэмтсэний дараа бөө дээр авч очсон байна лээ. Гэтэл бөө нь "Та нар хүүхдийг ийм байдалтай над дээр авчирч байхаар эмнэлэг яв" гэсэн байгаа юм. Тэр хүнд баярлаж байна. Хүүгийн ирээдүй бүрхэг байгаа учраас гадаадад эмчилгээ хийлгэх шаардлагатай. Ахынх нь хувьд сэтгэл зүй хүнд байна. Эм тариа нь элбэг гэдэг үүднээс тус улсыг сонгоод хөөцөлдөж байна" гэсэн юм. 

Цагдаагийн байгууллага:  3 настай, эрэгтэй Батзаяаг төрсөн эх Л, түүний хамтран амьдаргч Э нь зодсон байж болзошгүй нөхцөл байдал урьдчилсан байдлаар тогтоогдсон бөгөөд  Э-г баривчлан мөрдөн шалгах ажиллагааг үргэлжлүүлж байна.