УИХ-ын гишүүн Ч.Ундрам өнөөдөр байнгын хорооны хуралдааны үеэр  Атрын IV аян хэрэгжилтэд шүүмжлэлтэй хандаж байр сууриа илэрхийллээ

Гишүүний зүгээс  "Атрын IV аяныг хэрэгжүүлсэн. Гүйцэтгэл 42.6 байна. Аян гэдэг чинь улс орныг хамарсан, хүн бүр үр дүнг нь мэдэрсэн байх ёстой ажил байх ёстой.  Атрын IV аян хэрэгжиж эхлэхтэй зэрэгцэн гурилын үнэ нэмэгдсэн. Яг ямар ажил хийсэн бэ? Атрын IV аяны хүрээнд Сэлэнгэ аймгийн Сант суманд хөдөө аж ахуйн Агротехникийн төв барина, МСҮТ байгуулна гэсэн байна. Гэвч энэ ажлын хүрээнд хоёр сургалт хийсэн, хүсэлт гаргасан гэж бичсэн байна. Ийм тайлан бичихээс ичээч, би уншихаас ичиж байна. ХХАА-н Агротехникийн засварын үйлчилгээний төв МСҮТ-тэй холбоотойгоор БШУ-ны яаманд 1,8 тэрбум төгрөг төсөвлөгдсөн байна. Гэтэл тайланд 2 удаагийн сургалт зохион байгуулсан тухай дурьдсан байна. 1,8 тэрбум төгрөгөөр хоёр удаагийн сургалт зохион байгуулсан гэж ойлгож болох уу" гэлээ.