ОХУ 2022 оны хоёрдугаар сарын 24-нд Украин руу түрэмгийлж эхэлснээс хойш дэлхийн улс орнууд энэ улсын эсрэг төрөл бүрийн хориг тавих болсны дээр тамирчдыг нь ч олон улсын тэмцээнд оролцуулахгүй байгаа юм. Түүнчлэн ОХУ-ын холбоотон Беларусийн тамирчид ч олон улсын тэмцээнд оролцох боломжгүй болсон. 

Харин эмэгтэйчүүдийн дундах Боксын дэлхийн аваргын тэмцээнд Орос, Беларусийн тамирчдыг өөрсдийн далбаан дор, улсынхаа бэлгэдэлтэйгээр оролцохыг зөвшөөрсөн байна. Гуравдугаар сарын 15-ны өдөр Энэтхэгийн Дели хотноо нээгдсэн Боксын дэлхийн аваргын тэмцээнд Оросоос 12, Беларусиас зургаан эмэгтэй боксчин оролцож байгаа аж. 

Олон улсын боксын холбооны тэмцээнүүдийн албан ёсны жагсаалт дээр ч ОХУ, Беларусийн шигшээ багуудыг улсынх нь далбаатайгаар тусгажээ. 

Г.Бямбасүрэн