Гуравдугаар сарын 16-нд Хойд Солонгос тив алгасагч баллистик пуужин харвасан талаарх мэдээлэл гарсан. Энэ үйл явдалтай холбоотойгоор Япон улс БНАСАУ-д шийдэмгий эсэргүүцэл илэрхийлснийг Коммерсант дамжуулжээ. 

БНАСАУ-ын өнөөдөр болон урьд өмнө нь баллистик пуужин харвасан үйлдэл нь Японы аюулгүй байдал төдийгүй олон улсад аюул заналхийлж байна гэж Японы засгийн газар мэдэгдсэн байна. Эдгээр үйлдэл нь НҮБ-ын Аюулгүйн зөвлөлийн тогтоолыг зөрчиж байгаа тул Япон улс Хойд Солонгосын өдөөн хатгалгыг эрс шүүмжилж, эсэргүүцэл илэрхийлж байгааг цохон тэмдэглэжээ. 

Японы Батлан хамгаалах яамны мэдээлснээр, Хойд Солонгос пуужин харвасны улмаас Японы тэнгисийн болон агаарын хөлөгт хохирол учраагүй, пуужин харвасантай холбоотой мэдээллийг цуглуулж, дүн шинжилгээ хийж байгаа аж.

Г.Бямбасүрэн