Улсын дээд шүүхэд Ардын чуулган нам үүсгэн байгуулсныг бүртгэх өргөдөл ирүүлжээ.

Тодруулбал, Улсын дээд шүүхэд иргэн Ш.Сайхансамбуугаас 2023 оны 3 дугаар сарын 14-ний өдөр өргөдөл ирүүллээ. Уг өргөдөл нь “Ардын чуулган нам /АЧН/ үүсгэн байгуулсныг улсын бүртгэлд бүртгүүлэх” агуулгатай байна.

Сануулахад, өнгөрсөн онд Ш.Сайхансамбуугийн шинэ нам болох Ардын чуулган намыг  Улсын дээд шүүх бүртгэхээс татгалзсан. Учир нь  Ардын чуулган намаас 807 гишүүнтэй гэх жагсаалтыг ирүүлсэн бөгөөд уг жагсаалтад дурдсан мэдээллийг шалгахад 315 гишүүний мэдээлэл нь улсын бүртгэлийн мэдээллээс зөрүүтэй байсан юм.