Төрийн байгууллагуудын ШИЛЭН ДАНСНЫ мэдээллийг цувралаар хүргэж байгаа билээ. Өнөөдөр Засгийн газрын хэрэг эрхлэх газар төсвөө хэрхэн зарцуулж байгаа талаарх мэдээллийг хүргэхээр бэлтгэлээ. 

Засгийн газрын Хэрэг эрхлэх газар өнгөрсөн нэг, хоёрдугаар сард улсын төсвөөс ХОЁР ТЭРБУМ 300 гаруй сая төгрөгийн санхүүжилт авсан байна. Сардаа ТЭРБУМ гаруй төгрөгөөр тус газар санхүүжиж байна гэсэн үг.

Тэгвэл энэ мөнгийг хэрхэн зарцуулж байгаа талаарх мэдээллийг хүргэе. 

Өнгөрсөн нэгдүгээр сард Засгийн газар орлогын мэдээллээ шилэн дансандаа оруулсан ч энэ мөнгийг хэрхэн зарцуулсан талаарх мэдээллээ оруулаагүй байна. Тодруулбал, Засгийн газрын хэрэг эрхлэх газар НЭГ ТЭРБУМ төгрөгийг хэрхэн, юунд зарцуулав гэдэг нь нууц байна.

Харин хоёрдугаар сард тэрбум төгрөгөөс 12 сая төгрөгийг албан ажлын унаа унах эрх бүхий албан тушаалтны болон дуудлагын автомашин, oрон нутагт томилолтоор ажилласан тээврийн зардалд, удирдлагын академийн байр ашиглахтай холбоотой урсгал зардалд 51 сая төгрөгийг шилжүүлжээ. Хоёрдугаард сард Засгийн газрын Хэрэг эрхлэх газрын данснаас Удирдлагын академийн данс руу гурван удаагийн гүйлгээгээр 588 сая төгрөгийг гүйлгээг хийсэн байна. Удирдлагын академи бол Хэрэг эрхлэх газрын шууд харъяаны 13 байгууллагын нэг юм.

Нэг үгээр өнгөрсөн сард Засгийн газрын хэрэг эрхлэх газар нийт орлогынхоо 600 гаруй сая төгрөг нь таван сая төгрөгөөр дээш гүйлгээ байсныг ийнхүү шилэн дансандаа мэдээлжээ.