Шилэн дансны мэдээллээр нийслэлийн Сонгинохайрхан дүүрэг өнгөрсөн сард хэд хэдэн анхаарал татах гүйлгээг хийжээ.  Тухайлбал, дүүргийн Тамгын газрын гал тогооны засварын ажилдаа 46 сая төгрөг зарцуулсан байна. 

Мөн дүүргийн гэрлэх ёслолын өргөөний хивсэнцэрийг солиход 19 сая төгрөг, ахмадууддаа хүндэтгэл үзүүлэхдээ 46 сая төгрөг зарцуулсан байна. Ингэхдээ 15 сая төгрөгөөр чихэр, 13 сая төгрөгөөр барагшун, 11 сая төгрөгөөр сүү авчээ.

Тус дүүргийн хувьд өнгөрсөн сард хамгийн их дүнтэйгээр ГУРВАН тэрбум 895 тэрбум төгрөгийг шилжүүлсэн байна. Уг мөнгөөр 20-р хорооны гэр хороололын газрыг дахин төлөвлөх юм. Анхаарал татах бас нэг зүйл нь Виллвест компани нь гадаад худалдаа, аялал жуулчлалын чиглэлээр үйл ажиллагаа явуулдаг бөгөөд дахин төлөвлөлт зураг төсөл гаргах чиглэлийн туршлагатай эсэх нь эргэлзээ дагуулж байна. Чухам ямар учраас их хэмжэний мөнгөн дүнтэй гүйлгээг үйл ажиллагааны чиглэл нь өөр компани руу шилжүүлсэн бэ? гэдэгт холбогдох албаныхан хариулт өгөх биз ээ. Тус дүүргийн төсвийн ерөнхийлөгч захирагч буюу дүүргийн Засаг даргаар Н.Алтаншагай ажиллаж байна.