Ашиглахаа больсон гурилын үйлдвэрийн уурын зуухны яндан дээр 1 хүн гараад унаж болзошгүй байна гэсэн  дуудлага мэдээллийг Онцгой байдлын алба хүлээн авсан байна. 

Тодруулбал, Сүхбаатар аймгийн Баруун-Урт сумын 1 дүгээр баг дахь “Дөрвөлж” ОНӨААТҮГ-ын хашаанд ашиглахаа больсон гурилын үйлдвэрийн уурын зуухны яндан дээр 1 хүн гараад унаж болзошгүй байна гэсэн  дуудлагыг 02.26-ны өдрийн 22:00 цагт хүлээн авсан байна. 

Дуудлагын дагуу тус аймгийн Онцгой байдлын газрын Эрэн хайх аврах, салбарын алба хаагчдыг очиход тус байгууллагын хашаанд байрлах 10х18 метрийн хэмжээтэй ашиглагдахаа больсон гурилын үйлдвэрийн уурын зуухны 13 метрийн өндөртэй яндан дээр иргэн 17 настай эрэгтэй Ц гарсан, унаж болзошгүй байсныг эсэн мэнд буулгаж, тус аймгийн Цагдаагийн газрын хэв журмын тасгийн цагдаад хүлээлгэн өгсөн.