"Эрдэнэт үйлдвэр" ТӨҮГ-ын удирдлагуудын хүнд суртал,, хууль зөрчсөн, улсын төсөвт төвлөрүүлэх ёстой хөрөнгөөр үр ашиггүй зочид буудал барьсан талаар экологич Д.Туяа мэдээлэл хийлээ. 

"Булган аймагт үүсээд байгаа байгаль орчны эсрэг үйл ажиллагаа, байгалт орчинд хохирол учруулж байна. Эрдэнэт үйлдвэр төрийн өмчит компанын өмнөх болон одоогийн удирдлагууд Булган аймгийн нутаг дэвсгэр дээр Эрдэнэт хотоос 70 гаруй км цаана байрлах уулын аманд 210 ортой тансаг зэрэглэлийн зочид буудал барьж байгаа. 

Энэ асуудлаар 2021 оноос хойш орон нутгийн иргэд болон БОАЖ яамаар байгаль орчны нарийссан үнэлгээний төвөөр батлуулаагүй. Мөн хуульд нийцэхгүй хуурамч материал бүрдүүлж барилга барьж эхэлсэн.  

Уг тансаг зэрэглэлийн зочид буудлын барилгын ажил дуусаад ашиглалтад орох хугацаа нь дөхөж байгаа учраас энэхүү барилгыг ахмад, хүүхдүүдэд зориулсан сувилал зэргийг оронд нь байлгах чиглэлээр орон нутгийн өмчид авах ёстой гэж үзэн ерөнхий сайд Л.Оюу-Эрдэнэд хандсан. 

Хоёрдугаарт, Төрийн өмчит Эрдэнэт үйлдвэрийн газрын одоогийн захирал н.Ёндон гэдэг хүнийг уул уурхайн сайд байхдаа өөрийн хүүхдүүдийн Герман хэлний дунд сургуулийн төлбөрийг Эрдэнэт үйлдвэрийн хөрөнгөөр сургалтын төлбөрийг хийлгэсэн гэсэн мэдээлэл хэвлэл мэдээллээр гарч байсан. Тиймдээ ч  энэ хүн нь асар их ашиг сонирхлын зөрчилтэй хүн байгаа юм. 

2020 оны 10 дугаар сарын 14-нд орон нутгийн сонгууль болж байх үед орон нутгийн удирдлагуудтай хуйвалдаж иргэдээс санал авахгүйгээр тогтоол гаргаж байсан. Төрийн өмчит Эрдэнэт үйлдвэрийн газрынхан Монгол улсын хуулийг хүлээж авахгүй, тусгай давуу эрх эдэлж байна"  хэмээсэн юм.