Оросын Санкт-Петербург хотын цагдаагийнхан тус хотын талбай дээр оршин суугчид шинэ оныг тэмдэглэх үеэр Ойрх Дорнодын орнуудаас ирсэн 2000 орчим иргэнийг саатуулжээ. Энэ ажиллагаа нь "урьдчилан сэргийлэх зорилготой байсан" гэж Дотоод хэргийн яамны төлөөлөгч Интерфакс агентлагт мэдээлсэн байна. 

Шалгалтын дүнгээр Цагаачлалын хууль зөрчсөн тохиолдлуудыг илрүүлсэн гэх бөгөөд зөрчил гаргасан иргэдэд захиргааны хэрэг зөрчлийн тухай протокол нээсэн аж. Мөн энэ өдөр талбайг хэсэгчлэн хаасан нь олон хүн цугларч, хүмүүс дарагдахаас сэргийлсэн алхам байсан гэж Оросын цагдаагийнхан мэдэгджээ.

Интерфакс агентлагийн мэдээлснээр, Санкт-Петербург хотод шинэ оны шөнө ёслолын буудлага буудуулсны улмаас найман хүн гэмтсэн байна. 

Г.Бямбасүрэн