Украины чөлөөлөгдсөн бүсүүдээс 1116 цогцос олджээ
ОХУ Украинд дайн өдүүлснээс хойш эзлэсэн нутаг дэвсгэр дээрээ энгийн иргэдийг олноор нь хөнөөж байсныг гэрчлэх баримтууд ар араасаа гарсаар байна. Оросын цэргүүд эзлэгдсэн нутаг дэвсгэр дээр хүмүүсийг хөнөөж, бөөнөөр нь оршуулсан тохиолдол удаа дараа гарч байсан, энэ удаад Херсон, Донецк зэрэг бүс нутгуудаас олон цогцос олджээ.
Тодруулбал, Херсон, Донецк, Николаев, Харьков мужуудын Оросын эзлэн түрэмгийллээс чөлөөлөгдсөн нутгуудад 1116 цогцос олдсон, тэдгээрийн дунд 31 хүүхдийн цогцос байсан гэж Украины Үндэсний цагдаагийн газрын дарга Алексей Сергеев мэдэгджээ.
Сүүлийн өдөр гэхэд л Херсон мужаас гурван цогцос олдсон байна. Чөлөөлөгдпсөн нутгуудаас олдсон цогцосууд нь бүгд энгийн иргэдийнх байсан аж. Үүний зэрэгцээ чөлөөлөгдсөн нутгуудад 48 тамлах болон хорих газар олдсон гэж Украины Үндэсний цагдаагийн газар мэдэгджээ.
Г.Бямбасүрэн
СЭТГЭГДЭЛ БИЧИХ