БНСУ-д анхны өөрөө жолоодлоготой автобусыг Хойд Чунчон мужийн Чонжу хот, Сэжун хот хоорондын автобусны буудал болон Осонг буудлын хооронд 22.4 км замд явж эхэлжээ. 

Автомат жолоодлоготой автобуснууд тусдаа чиглэлийн дугаартай ба  хотын бусад автобустай зэрэгцэн хөдөлгөөнд оролцох аж. Одоогийн байдлаар хоёр  автобус явж байгаа ба аюулгүй байдлын үүднээс жолооч, аюулгүй байдлын ажилтан нар зорчигчидтой хамт явж байгаа гэнэ. Тус автобус нь ажлын өдрүүдэд 12.00 цагаас 16.00 цагийн хооронд зорчих юм. 

Мөн зогсоол дээр байрлуулсан зурагт хуудас дээр хэвлэсэн QR кодыг ашиглан туршилтын хөтөлбөрт хамрагдах хүсэлтээ урьдчилан өгснөөр хэн ч автомат автобусаар үнэ төлбөргүй үйлчлүүлэх боломжтой. Гурван сарын туршилтын дараа зорчигчид тасалбараар явж эхлэх аж. 

Солонгос улсын ерөнхийлөгчийн дэргэдэх Үндэсний хөгжлийн тэнцвэрт байдлыг хангах хороо 2025 он гэхэд хотод бие даасан автобусны үйлчилгээг арилжаанд оруулах зорилтоо танилцуулаад байсан. Хэрэв энэхүү өөрөө жолоодлоготой автобус хангалттай эрэлттэй байвал автомат жолоодлогын үйлчилгээг өргөжүүлж маршрутын цар хүрээг ч мөн тэлэх зорилготой байгаагаа мэдэгдсэн юм.