20 хоногийн хугацаанд Сүхбаатарын талбайд эсэргүүцлээ илэрхийлсэн залуусын тавьж байсан шаардлагуудын нэг бол КОРОНАВИРУСТ халдварын үед зарцуулсан төсвийг ил болгох. Гэвч өнөөдрийг хүртэл ковидын төсөв ил болоогүй байна.  Уг нь Засгийн газрын 12 дугаар сарын 09-ны өдрийн хуралдаанаар ковидын төсвийг олон нийтэд нээлттэй болгох үүргийг Шадар сайд С.Амарсайханд өгсөн. Гэвч Шадар сайд энэ үүргийг үл тоосон хэвээр байна. 

Ийнхүү өмнөх зарцуулалт нь ил болоогүй байхад  Ковид-19 халдварын эсрэг зайлшгүй шаардлагатай тоног төхөөрөмж худалдан авах ТЕНДЕРИЙГ ХӨСҮТ-ээс зарласан байна. Тендерийн нийт өртөг нь ДОЛООН ТЭРБУМ төгрөг байх бөгөөд энэ онд ТАВАН ТЭРБУМ төгрөгийн санхүүжилт хийхээр тусгажээ.