Хойд Солонгосын талаас хөөргөсөн дронууд хоёр орны хилийг хэдэнтээ давсан гэж БНСУ-ын цэргийнхэн мэдэгджээ. Энэ талаар ВВС агентлаг дамжуулсан байна. 

Тодруулбал, нисэгчгүй нисэх аппартууд Кёнгим мужийн хилийн бүсэд Өмнөд Солонгосын агаарын орон зайг зөрчсөн гэж Өмнөд Солонгосын Штабуудын дарга нарын нэгдсэн хороо мэдэгджээ. Тус хорооны мэдэгдсэнээр, Хойд Солонгосын нэг дрон Сөүл хот руу ойртон ниссэн байна. 

Хойд Солонгосын дронууд агаарын орон зайд нэвтэрсний улмаас Өмнөд Солонгосын цэргийнхэн хэдэнтээ анхааруулах зорилгоор буудаж, дараа нь агаарт сөнөөгч онгоц, нисдэг тэрэг хөөргөсөн ч Хойд Солонгосын дронуудыг устгах ажиллагаа бүтэлгүйтжээ.

Өмнөд Солонгосын талын мэдээлснээр, орон нутгийн цагаар 12 дугаар сарын 26-ны 10:30 цаг орчимд дронууд нэвтэрсэн аж. Даваа гарагт Өмнөд Солонгосын КА-1 онгоц сүйрсэн талаарх мэдээлэл гарч байсан. Энэ онгоц нь Хойд Солонгосын дронуудыг амдах ажиллагаанд оролцож яваад ийнхүү сүйрсэн гэсэн мэдээлэл даваа гарагийн үдэш гарчээ. 

Г.Бямбасүрэн