G7-ийн орнуудын Гадаад хэргийн сайд нар 12 дугаар сарын 22-ны пүрэв гарагт цахимаар уулзалт зохион байгуулж, Украины нөхцөл байдлын талаар хэлэлцэхээр болжээ. Энэ талаар Японы Гадаад хэргийн яам мэдэгдсэнийг Kyodo агентлаг мэдээлсэн байна.

Цахим уулзалт Токиогийн цагаар 21:30 цагрт эхэлж, нэг цаг гаруйн хугацаанд үргэлжлэхээр төлөвлөжээ. Энэ уулзалтад Японы Гадаад хэргийн сайд Есимас Хаяси оролцох юм байна.

G7-ийн цахим уулзалтын үеэр талууд Украин дахь сүүлийн үеийн нөхцөл байдлын талаар санал бодлоо хуваалцаж, хариу арга хэмжээ авахтай холбоотойгоор санал солилцон, хамтын ажиллагаагаа дахин нотолно гэж Японы Гадаад хэргийн яам мэдэгджээ. 

Г.Бямбасүрэн