Нүүрсний хулгайн хэрэгт холбогдсон хүмүүсийн нэрийг зарлаж, хариуцлага тооцохыг шаардсан залуусын жагсаал төв талбайд 18 дахь өдрөө үргэлжилж байна. Нийслэлийн Засаг даргын Тамгын газраас өчигдөр орой жагсагчдын хоёр гэрийг буулгасан байна. Тэднийг СТӨ-нд байрлахыг хүссэн ч энэ талаар жагсагчид санал нэгдээгүй бололтой.
Нийслэлийн Засаг даргын орлогч З.Төмөртөөмөө жагсаж буй иргэдтэй уулзаж дараах зүйлийг хэлсэн “Жагсагчдын удаа дараа тавьсан шаардлагын дагуу төр засгийн зүгээс гэр барьж, телевиз, интернетийн орчин зэрэг шаардсан зүйлийг бүрдүүлэн ажилласан бөгөөд цаашид суулт зарласан иргэдийн эрүүл мэнд амь насанд эрсдэл үүсэж байна.
Иймд өмнө нь тавьсан шаардлага, хүсэлтийн дагуу СТӨ-нд байрлах боломж нөхцөлийг бүрдүүлсэн тул та бүхэн харилцан ойлголцож СТӨ-нд орж байрлах хэрэгтэй” гэсэн мэдээллийг өгсөн байна.
Мөн эрүүл мэндийн байгууллагаас нийт 600 гаруй хүнд үзлэг хийж, 29 хүн эмнэлэгт хүргэгджээ.
| Уншиж байна |