Монгол Улсын багш нарын төлөөлөл Бүгд Найрамдах Хакас Улсад ажиллалаа. Тэд Бүгд Найрамдах Улсын Боловсрол, шинжлэх ухааны яам болон хэд хэдэн боловсролын байгууллагуудын үйл ажиллагаатай танилцлаа. Зочид хүүхдүүдийн нэмэлт боловсрол олгох туршлагыг хэрхэн хэрэгжүүлж байгааг сонирхсон юм.

Монгол Улсад нэмэлт боловсролд голчлон насанд хүрсэн хүн ам хамрагддаг учир  төлөөлөгчид Хакасын туршлагыг сонирхсон болно. Одоо Монгол Улсад хүүхдэд зориулсан нэмэлт боловсролын тогтолцоог нэвтрүүлэх зорилт тулгарч байгаа үе юм.

Монгол Улсаас ирсэн төлөөлөгчдийн бүрэлдэхүүнд Улаангом хотын тамгын газрын дарга Д.Ганхуяг, Увс аймгийн Насан туршийн боловсрол, хүүхдийн хөгжлийн төвийн захирал Э.Одонтуяа, Аялал жуулчлал, гадаад харилцааны газрын дарга Б.Ханд, мөн Увс аймгийн Насан туршийн боловсрол, хүүхэд хөгжлийн төвийн хоёр багш ажиллав.

Өнөөдөр олон улсын хамтын ажиллагаа нь улс хоорондын харилцааг хөгжүүлэн, туршлага солилцох, дэвшилтэт технологи, соёлын харилцан үйлчлэлийн чухал хэсэг болсон бөгөөд энэ бүх ерөнхий харилцаа холбооноос энх тайван, тогтвортой байдал, олон улсын ашиг сонирхлыг бэхжүүлж байна гэж Хакасийн Боловсрол, шинжлэх ухааны сайдын үүрэг гүйцэтгэгч Анатолий Бутенко уулзалтын үеэр хэлсэн юм.

Уулзалтын үр дүнд “Бүгд Найрамдах Хакас Улсад 2022 онд зохион байгуулагдах Бүс хоорондын залуучуудын шинжлэх ухааны их наадмыг зохион байгуулах журам”, "2022 онд Боловсролын байгууллагын оюутнуудын дунд жил бүр зохион байгуулдаг Л.Р.Кызласовын нэрэмжит бүс нутаг хоорондын шинжлэх ухаан, практикийн бага хурлыг зохион байгуулах журам"-д Монгол Улс оролцох нөхцийг тохиролцон, журамд гарын үсэг зурлаа.

Дугуй ширээний уулзалтын  хүрээнд Хакасын талын төлөөлөгчид Бүгд Найрамдах Улсад нэмэлт боловсролын тогтолцоо хэрхэн ажилладаг талаар Монголын мэргэжил нэгт нөхдөдөө танилцуулав.

Хакас Улсад 2020 оноос хойш "Бүгд Найрамдах Улсын Нэмэлт Боловсролын төв"  үйл ажиллагаагаа явуулж байна. Тус төвд 4000 гаруй оюутан суралцаж, 54 төрлийн ерөнхий боловсролын хөтөлбөр хэрэгжүүлж, 36 багш ажилладаг, найман салбар бүтэцтэй олон талт нэмэлт боловсролын төв юм.

"Кванториум" хүүхдийн технопарк нь Бүгд Найрамдах Улсын Нэмэлт Боловсролын төвийн нэг хэсэг болон үйл ажиллагаагаа явуулдаг бөгөөд эрдэм-шинжилгээ, инженер-техникийн чиглэлээр хүүхдийг эрчимтэй хөгжүүлэх өндөр технологийн тоног төхөөрөмжөөр тоноглогдсон өвөрмөц орчин юм.

Бүгд Найрамдах Улсын Нэмэлт Боловсролын Төвөөс тавьсан зорилтуудын нэг бол сургуулийн сурагчдад мэргэжлийн чиг баримжаа олгох явдал юм. Сурагчдын дундах хамгийн эрэлттэй чиглэл бол бизнес эрхлэлт юм. Тийм ч учраас Нэмэлт Боловсролын Төвд “Залуу бизнес эрхлэгчдийн холбоо” ажилладаг.

"Бүгд Найрамдах Хакас Улсад хүүхдийн нэмэлт боловсрол олгох үр дүнтэй туршлагыг хэрэгжүүлэх нь" дугуй ширээний уулзалтад оролцсон оролцогчид Монгол Улс, Бүгд Найрамдах Хакас Улсад залуучуудын шинжлэх ухаан, нэмэлт боловсролыг дэмжих, хөгжүүлэхэд чиглэсэн хамтарсан тунхаглал гаргахаар тохиролцов.

Монгол Улсын Увс аймгийн Насан Туршийн боловсрол, хүүхдийн хөгжлийн төвийн захирал Эрдэнэтуяагийн Одонтуяа: тус төвд оюун ухаан, урлаг, гоо зүйн чиг баримжаа олгох 17 дугуйлан нээгдэн, 800 шахам хүүхэд суралцаж байгааг онцлов. Хүүхдүүдтэй ажилладаг чиглэлийн мэргэжилтнүүдийн хувьд тэднийг цаашид хамтран ажиллах, харилцан туршлага солилцох боломжууд ихээхэн сонирхол татсаныг уулзалтын үеэр тэмдэглэв.

Монголоос ирсэн зочид Бүгд Найрамдах Улсын Нэмэлт Боловсролын Төвөөс гадна Хакасын үндэсний цогцолбор сургуулиар зочиллоо. Цогцолбор сургуулийн захирал Марина Сагатаева, Бүгд Найрамдах улсын авьяаслаг хүүхдүүдийн “Альтаир-Хакасия” төвийн ахлах арга зүйч Илья Щетинин нар зочдод цогцолборийн биеийн тамирын заал, болон төвийн боловсролын тэнхимүүдийг танилцав.

Лабораторийн өрөөнүүдийн тоног төхөөрөмж зочдод маш их сэтгэгдэл төрүүлсэн бөгөөд тэдэнд микроскопууд хэрхэн ажилладгийг харах, тусгай зориулалтын “Пирогов”-ын ширээн дээр ажиллах боломжийг олгосон юм.

Түүнчлэн Бүгд Найрамдах Хакас Улсын Хүүхдийн Урлагийн Сургуулийн багш нар ардын урлагаа харуулсан нь баяр хөөрийг төрүүлэв. Зочид цаашид хамтран ажиллана гэдэгт итгэлтэй байгаагаа илэрхийлж, Монгол Улсад урьсан юм.