Австралийн нэртэй загвар өмсөгч, супермодель, бизнесмен, телевизийн хөтлөгч Эль Макферсон өдгөө 58 настай ч залуухан, үзэсгэлэнтэй харагддаг хэвээр. Тэрбээр гоо сайхнаа хадгалж байгаагийнхаа нууцыг Body and Soul сэтгүүлийн сурвалжлагчтай ярилцах үедээ бусадтай хуваалцжээ. 

Өдгөө 58 настай супермодель Эль Макферсон гоо сайхан, эрүүл мэндээ хадгалахын тулд өдөр бүр инээмсэглэж, шинэхэн жимс, ногоо иддэг гэнэ. Гадаа болон дотоод гоо үзэсгэлэнгээ хадгалахын тулд хоол хүнсэндээ анхаарч, наранд йогийн дасгал хийж, мөстэй усанд ордог гэнэ. 

Мөн гоо сайхнаа хадгалах өөр нэг арга нь унтахын өмнө инээмсэглэх хэмээн тэрбээр өгүүлжээ. 

"Би инээмсэглэдэг. Унтахын өмнө инээмсэглэнэ. Өнгөрч буй өдөрт хичнээн их талархаж байгаагаа бодон инээмсэглэж, тайвнаар унтахаар хэвтдэг" хэмээн Эль Макферсон өгүүлжээ. 

Мөн тэрбээр гагцхүү эрүүл хоол иддэг гэнэ. Ногоон хүнс, гэртээ хийсэн хоолоо л иддэг тэрбээр хоолондоо хэрэглэдэг бүхий л бүтээгдэхүүнийг хотынх нь зах дээр худалдаалдаг органик бүтээгдэхүүнээс сонгон авдаг аж.

Г.Бямбасүрэн