Өнгөрсөн сарын сүүлээр гал гарч байсан ОХУ-ын Эрхүү мужийн Ангарск хотод байх газрын тос боловсруулах үйлдвэрт пүрэв гарагийн өглөө дахин гал гарсан талаар бид өмнө нь мэдээлсэн. 

Эрхүүгийн газрын тосны үйлдвэрт гал гарчээ

Коммерсант агентлагийн мээдэлснээр, пүрэв гарагийн өглөө 06.00 цагт гал түймрийн дуудлагаар Ангарскын газрын тос химийн компанийн нутаг дэвсгэр гарсан галыг унтраахаар гал сөнөөгчид очсон бөгөөд одоо Оросын Онцгой байдлын яамны 100 гаруй ажилтан, 25 техник газар дээр нь ажиллаж байгаа аж. Энэ гал түймрийн улмаас хоёр хүн амиа алджээ. 

Улмаар гал түймэр гарсны улмаас хоёр хүн амиа алдсантай холбоотойгоор аюулгүй ажиллагааны шаардлагыг зөрчсөн гэж эрүүгийн хэрэг үүсгэн шалгаж байгаа аж. Эрхүү мужийн захирагч Игорь Кобзевийн мэдээлснээр Ангарскийн газрын тос боловсруулах үйлдвэрийн технологийн хэсэгт агрсан гал 2500 кв.м талбайг хамарсан бөгөөд одоогоор ил галыг унтрааж дуусчээ. 

Г.Бямбасүрэн