Твиттерийн ажилтнууд компанийн талаарх нууц мэдээллийг хэвлэлийнхэнд өгсөн тохиолдолд тэднийг шүүхэд өгнө гэж Илон Маск мэдэгджээ. Тэрбээр шинэ журмыг хүлээн зөвшөөрч гарын үсэг зурах шаардлагатай баримт бичгийг бүх ажилтандаа илгээсэн гэж The Verge мэдээлсэн байна.

Энэ баримт бичигт "та ажилд орохдоо хүлээн зөвшөөрч гарын үсэг зурсан, мэдээллийг задлахгүй байх заалтыг зориудаар зөрчсөн бол хуулийн дагуу хариуцлага хүлээх бөгөөд Твиттер танаас хохирлыг нөхөн төлөхийг шаардана" хэмээн тусгажээ.

Илон Маск ажилтнууддаа явуулсан энэ баримт бичигт "санаандгүй алдааг" уучлах бол харин зориудаар компанийн нэр хүндэд халдах зорилгоор хэвлэлийнхэн рүү мэдээлэл илгээсэн бол шүүхээр асуудлыг шийднэ гэж онцолсон байна. 

Г.Бямбасүрэн