Саудын Арабт хоёр километр өндөртэй барилга барихаар төлөвлөж байгаа гэнэ. Энэ барилга Дубайн 828 метр өндөртэй Бурж Халифаас хэд дахин өндөр барилга болно гэж Middle East business intelligence сонин мэдэлжээ. 

Асар өндөр барилгыг тус улсын Тусгаар сан барихаар төлөвлөж байгаа гэнэ. Барилгыг Эр-Риядаас хойд зүгт барихаар төлөвлөсөн бөгөөд барилгын талбай 18 кв.км зайг эзлэх аж. Төслийг хэрэгжүүлэхэд таван тэрбум доллар шаардлагатай гэсэн үнэлгээг гүйцэтгэгчид гаргажээ.

Түүнчлэн энэ улсын баруун хойд хэсэгт Mirror Line хот  байгуулах ажлыг эхлүүлсэн байна. Энэ нь өөр хоорондоо явган хүний гарцаар холбогдсон өндөр барилга байх бөгөөд 490 метр өндөртэй эдгээр барилгад таван сая хүн багтах боломжтой гэнэ. Цөлд байгуулж буй энэ хот экологид ээлтэй, автомашин зорчихгүй, хорт хаягдал гарахгүй, дэд бүтэц нь сэргээгдэх эрчим хүчээр ажиллана гэж төлөвлөжээ. 

Г.Бямбасүрэн