Хятадын эрх баригчдын баримталж буй ковидын эсрэг бодлогоос болж бага, дунд бизнес ихээхэн хохирол амсаж, таван хүн тутмын нэг нь ажилгүй болсон гэж  The Guardian сонин мэдээлжээ.

"Эрх баригчид баримталж буй бодлогоо эрс өөрчлөх болсон нь Хятадад олон жил гараагүй эсэргүүцэлтэй холбоотой байж болзошгүй" хэмээн сонинд онцолсон байна.

Хятадын эрх баригчид олныг хамарсан эсэргүүцлийн ажиллагааны дараа хатуу хязгаарлалтын арга хэмжээгээ зөөлрүүлж эхэлснийг олон улсад өндрөөр үнэлж байгаа юм. Тухайлбал, ОУВС-ийн захирал Кристалина Георгиева энэхүү алхам нь "бүс нутгийн эдийн засгийг дээшлүүлэхэд чухал алхам" хэмээн онцолжээ.

"Энэ алхам нь Хятадын ард түмэн, эдийн засагт нэн ашигтай, түүнчлэн Ази болон дэлхийн эдийн засагт нөлөөлөх сайн шийдвэр боллоо" хэмээн Георгиева Хуаншань хотод болсон дээд хэмжээний уулзалтын дараа мэдэгдсэн байна.

Г.Бямбасүрэн