"Реал" болон Португалийн шигшээ багийн хагас хамгаалагч асан Луиш Фигу үндэсний шигшээ багийнх нь ерөнхий дасгалжуулагч Фернанду Сантуш Криштиану Мароккотой тоглох үеэр Роналдуг нөөцөнд суулгах шийдвэр гаргасанд сэтгэл гонсгор байгаагаа илэрхийлжээ. Харин Сантуш баг нь ялагдсаны дараа мэдэгдэл хийхдээ багийн бүрэлдэхүүнийг сонгохдоо гаргасан шийдвэртээ харамсахгүй байгаа хэмээж байв. 

"Нөөцөнд Криштиануг суулгачхаад дэлхийн аварга шалгаруулах тэмцээнд та нар ялж чадахгүй шүү дээ. Роналдуг нөөцөнд үлдээсэн нь алдаа байлаа. Сантуш энэ ялагдлын төлөө хариуцлага хүлээх ёстой" хэмээн Фигу мэдэгдсэнийг  As дамжуулжээ.

ДАШТ-ий шөвгийн наймын тоглолтод Португалийн баг Мароккод ялагдсан юм. Криштиану Роналду энэ тоглолтын 51 дэх минутанд талбай дээр гарч байлаа. Энэ нь өдгөө 37 настай хөлбөмбөгийн од гарааны бүрэлдэхүүнд гарч тоглоогүй хоёр дахь тохиолдол байсан юм.

Г.Бямбасүрэн