Перугийн Ерөнхийлөгч парламентаа тараана гэж зарласны дараа парламент хуралдан, түүнд импичмент зарлаж, дэд Ерөнхийлөгч нь төрийн тэргүүний тангараг өргөсөн талаар бид өмнө нь мэдээлсэн.
Парламентаа тараахыг завдсан Перугийн Ерөнхийлөгчийг огцруулав
Эрх мэдлээс нь буулгасан Ерөнхийлөгч асан Педро Кастильог цагдаагийнхан баривчоан саатуулсан бөгөөд түүнд үймээн самуун зохион байгуулсан гэсэн хэрэг үүсгэсэн талаар El Comercio мэдэлжээ.
Эх сурвалжийн мэдээлснээр, Кастильог цагдаагийнхан саатуулж, хэд хэдэн гэмт хэрэг үйлдсэнд буруутган урьдчилан саатуулах төвд 10 хоног хорихоор болсон гэнэ. Ерөнхийлөгч асан Кастильогийн эсрэг үүсгэсэн хэргүүдээс хамгийн ноцтой нь Перугийн Эрүүгийн хуулийн 346 дүгээр зүйлд заасан үймээн самуун зохион байгуулахаар завдсан гэх хэрэг бөгөөд энэ хэргийн шийтгэл нь 10-20 жилийн хорих ял байдаг юм байна.
Түүнчлэн Кастильог эрх мэдлээ урвуулан ашигласан, олон нийтийн амгалан тайван байдлыг алдагдуулсан, албан тушаалаа хашиж байх үед нь л нээсэн, авлигын гэмт хэрэгтэй холбоотой эрүүгийн хэрэгт холбогдсон талаар эх сурвалж мэдээлжээ.
El Comercio сонины мэдээлснээр, Кастильог огцруулсны дараа Лима хотод эсэргүүцлийн жагсаал дэгдсэн байна. Нийслэлийн төв гудамжинд болсон эсэргүүцлийн жагсаалын үеэр жагсагчид явган замыг эвдэлж, зам руу чулууджээ. Үүний хариуд цагдаагийнхан нулимс асгаруулах хий ашигласан байна.
Г.Бямбасүрэн
| Уншиж байна |