Криштиану Роналду албан ёсоор Манчестер Юнайтедтай харилцан тохиролцож гэрээгээ цуцалхаар болжээ. Түүний хувьд клубээ шүүмжилж, менежер Эрик тен Хагийн талаар таагүй үг унагасан ярилцлага өгсөний дараа ийм шийдвэр гаргажээ.

Манчестер Юнайтедын мэдэгдэлд түүний Олд Траффордод хоёр тоглолтонд оруулсан асар их хувь нэмэрт нь клуб талархаж байна гэжээ. Харин Криштиану Роналду "Хэлэлцсэний эцэст бид гэрээгээ дуусгавар болголоо. Би Манчестер Юнайтед болон хөгжөөн дэмжигчдэдээ хайртай. Энэ хэзээ ч өөрчлөгдөхгүй. Гэсэн хэдий ч шинэ сорилт эхлүүлэхэд тохиромжтой цаг ирсэн гэж бодож байна. Манчестер Юнайтедад амжилт хүсье” гэв.

Юнайтедын төлөө 346 тоглолтод оролцож 145 гоол оруулсан Роналду Реал Мадрид руу явснаас хойш 11 жилийн дараа буюу 2021 оны наймдугаар сард Ювентус багийг орхиж, клубт дахин нэгдсэн байна. 

Дашрамд дурдахад, DW агентлагийн мэдээлснээр, "Манчестер Юнайтед"-ын довтлогч Криштиану Роналдугийн дагагчдын тоо ганцхан өдрийн дотор нэг саяар нэмэгдэж, нийт дагагчийн тоо 500 саяыг давсан байна. Дагагчдын тоо сүүлийн нэг жилд 100 саяар нэмэгдсэн гэнэ. Энэ нь дэлхийн шинэ дээд амжилт бөгөөд дэлхий дахинаа 500 сая дагагчтай болсон анхны хүн нь Роналду болж байгаа юм.