Ковидын шинэ хувилбарын эмнэлзүйн мэдээлэл, гэрээр эмчлэх талаар мэдээлэл хийлээ.

ХӨСҮТ-ийн дэд захирал Ж.Байгалмаа 

Монгол Улсад BF7, BQ1.2 гэх омикроны хоёр төрлийн шинэ хувилбар бүртгэгдсэн. Омикроны шинэ хувилбар болох ядарч сульдах, шингэн нус гарах, хоолой бага зэргээр сэрвэгнэх зэргээр илэрч байна. Шинээр тохиолдсон энэ хувилбарууд  дэлхийн 80 гаруй улсад өмнө нь бүртгэгдсэн хувилбар юм.

2022 оны аравдугаар сараас 11-дүгээр сарын 15-ныг хүртэл 21 аймаг 9 дүүргийн өрхийн эрүүл мэндийн төвүүд болон байнгын төвүүдэд томуугийн вакцинжуулалт явагдаж байна. 545 мянган хүн тун вакцинаас 190 мянган тунг хийгээд байна.

1-5 насны хүүхдүүд, жирэмсэн эхчүүд болон архаг хууч өвчтэй ахмад настнуудад томуугийн вакциныг үнэ төлбөргүй хийж буй юм. Цэцэрлэгийн хүүхдүүдэд эцэг, эхийн зөвшөөрөлд нь үндэслэн цэцэрлэгт нь түр цэг байгуулан вакцжуулалт хийж байна.

Омикроны шинээр илэрсэн хувилбарууд халдварлах чадвар маш өндөр байгаа хэмээн дэлхийн эрүүл мэндийн байгууллагаас анхааруулсан. 

 Тиймээс олон нийтийн газар ажилладаг, олон хүмүүстэй харилцдаг газруудыг маскаа тогтмол зүүхийг уриалж байна.  

Ковид болон томуу, томуу төст өвчин яг адил амьсгалын замаар халдварладаг тул иргэд амны хаалтаа зүүх, гараа угаах, агаар сэлгэлтийг сайжруулах, хүн хоорондын зай барих дэглэмээ баримтлах шаардлага үүсэж байна. Мөн Ковид болон томуугаас хамгаалах арга нь вакциндаа хамрагдах юм. Тиймээс иргэд вакциндаа идэвхтэй хамрагдаарай." хэмээлээ.