Ододтой бүжиглэе шоуны ялагч Ангууч буюу Б.Баттөр ялагчийн шагналаар НҮБ-ийн хүүхдийн сантай хамтран Өнөр бүл хүүхдийн  төвийн дэргэд Almighty BJJ & MMA Academy спортын клубыг байгуулаад жил гаруй хугацаа өнгөрсөн байна. 

Энэхүү хугацаанд  тус клубийн 20 гаруй залуу тамирчид жью-жицү-гээр тууштай хичээллэж дүүрэг, хот, улсын хэмжээний тэмцээн уралдаануудаас 30 гаруй шагнал хүртжээ. 

Өнөөдөр /2022.11.10/ Абу Даби хотноо зохион байгуулагдаж буй Жью-жицүгийн мэргэжлийн дэлхийн аварга шалгаруулах тэмцээнд оролцохоор дасгалжуулагч багш болон гурван хүүхдүүдийн хамтаар бүх зардлыг гарган явж байгаа юм.