БНХАУ-ын Ухань хотоос эхэлж, дэлхий нийтийг хамарсан коронавируст халдвар манай улсад бүртгэгдсэнээс хойш хоёр жилийн хугацаа өнгөрсөн байна. Энэ хугацаанд дотоодод коронавируст халдварын альфа, дельта, омикрон, B12 зэрэг хувилбарууд бүртгэгдсэн юм.  Харин Монголд коронавирусийн шинэ хувилбар бүртгэгдсэн тухай ХӨСҮТ мэдээлэл хийлээ. 

ХӨСҮТ-ийн захирал Ц.Билэгсайхан 

Монгол Улсад BF7, BQ1.2 гэх омикроны хоёр төрлийн шинэ хувилбар бүртгэгдсэн. BF7 хувилбараар нэг хүн туссан ба Хятад хүн байсан. Одоогоор зочид буудалд тусгаарлалтанд байна. Харин BQ1.2 хувилбар таван хүнд тодорхойлогдсон байна. Үүний гурав нь эрэгтэй,  хоёр нь  эмэгтэй хүнээс илэрсэн. Халдвар авсан таван хүний хоёр нь одоогоор эмнэлэгт хэвтэж, биеийн байдал хэвийн болсон.

Эдгээр хувилбарын шинж тэмдэг нь Халуурах, хоолой өвдөх, хоолой сэрвэгнэх зэргээр илэрч байна. Шинээр тохиолдсон энэ хувилбарууд  дэлхийн 80 гаруй улсад өмнө нь бүртгэгдсэн хувилбар юм. 

2022 оны аравдугаар сараас 11-дүгээр сарын 15-ныг хүртэл 21 аймаг 9 дүүргийн өрхийн эрүүл мэндийн төвүүд болон байнгын төвүүдэд томуугийн вакцинжуулалт явагдаж байна. 545 мянган хүн тун вакцинаас 190 мянган тунг хийгээд байна.

1-5 насны хүүхдүүд, жирэмсэн эхчүүд болон архаг хууч өвчтэй ахмад настнуудад томуугийн вакциныг үнэ төлбөргүй хийж буй юм. Цэцэрлэгийн хүүхдүүдэд эцэг, эхийн зөвшөөрөлд нь үндэслэн цэцэрлэгт нь түр цэг байгуулан вакцжуулалт хийж байна" гэв. 

Ц.Наранцацрал