Монгол Улсын гавьяат тамирчин Мөнхжанцангийн Анхцэцэг хүндийн өргөлтийн дэлхийн аварга боллоо. Тэрбээр Узбекстан улсын Ташкент хотноо явагдаж буй ДАШТ-д 87 кг-ын жинд 250 кг-ыг өргөж, дэлхийн аварга болон эх орныхоо төрийн дууллыг эгшиглүүллээ.

Тэрбээр огцмоор 109 кг-ыг өргөж, дэд байрт бичигдэж байсан. Харин түлхэлттэйгээр 141 кг-ыг амжилттай өргөснөөр арын өрсөлдөгчөөсөө зургаан кг-аар илүү гарч, алтан медалийн эзэн боллоо. Манай тамирчин нийлбэрээр 250 кг-ыг өргөсөн бол дэд байрт шалгарсан Узбекистаны Т.Уабборова, хүрэл медальт Норвегийн С.Коанда нар ижил 244 кг-ыг өргөсөн байна.

М.Анхцэцэг 2017, 2019 оны ДАШТ-аас хүрэл медаль хүртэж, Токио-2020 олимпын наадмын шагналт байрт шалгарсан бол энэ удаа амжилтаа ахиулж, дэлхийн аварга боллоо.

Б.Хэрлэн