Энэ оны сүүлийн Их дуулга баасан гаригт эхэлнэ

2021-11-24

Олон улсын жүдо бөхийн холбооны энэ оны хамгийн сүлийн Гранд Слам тэмцээн Арабын Нэгдсэн Эмират Улсын Абу Даби хотод энэ сарын 26-28-нд зохион байгуулагдана. “Абу Даби-2021” Их дуулгад манай улсаас 20 жүдоч (эрэгтэй 10, эмэгтэй 10) хүч үзэх юм.

Тэмцээний аваргууд чансаагаа 1000 оноогоор ахиулах бол мөнгөн медаль 700, хүрэл медаль 500, 5-р байр 360, шилдэг наймд шалгарсан жүдочид 260 оноог дэлхийн чансаандаа нэмнэ. Тус тэмцээний -60 кг-ын жинд Бямбасүрэнгийн Сүхбат, -66 кг-д Гүнжинлхамын Сод-Эрдэнэ нар анхны Их дуулгадаа хүч үзэх бол бусад тамирчид ээлжит тэмцээндээ зодоглох юм.

Эрэгтэйчүүдийн -60 кг-ын жинг Токиогийн олимпын мөнгөн медальт Тайваний Ян Юүн-Вэй тэргүүлэн барилдах бол -73 кг-ыг энэ оны дэлхийн аварга, олимпын мөнгөн медальт Гүржийн Лаша Шавдатуашвили, эмэгтэйчүүдийн -52 кг-ыг олимп, дэлхийн мөнгөн медальт Францын Амандин Бушар нар тэргүүлэн барилдахаар мэдүүлгээ өгчээ.

11-р сарын 26-ны баасан гаригт

Эрэгтэй -60 кг: Энхтайваны Сумъяабазар /ОУХМ, “Женко” клубийн тамирчин/,

Бямбасүрэнгийн Сүхбат /ОУХМ, “Женко” клубийн тамирчин/

-66 кг: Ёндонпэрэнлэйн Басхүү /ОУХМ, ДАШТ-ий хүрэл медальт, “Хилчин” спорт хорооны тамирчин/,

Гүжинлхамын Сод-Эрдэнэ /Спортын мастер/

Эмэгтэй. -52 кг: Бишрэлтийн .Хорлоодой /ОУХМ. “Хилчин” спорт хорооны тамирчин/,

Ганболдын Ганцэцэг /ОУХМ. “Хилчин” спорт хорооны тамирчин/ -57кг: Лхагватогоогийн Энхрийлэн /ОУХМ, Залуучуудын ДАШТ-ий хүрэл медальт/,

Батсүхийн Алтанцэцэг /Хан-Уул дүүргийн спорт хороо, “Женко” клубийн тамирчин/

11-р сарын 27-ны Бямба гариг

Эрэгтэй. -73 кг: Ганбаатарын Одбаяр /МУГТ, ДАШТ-ий хүрэл медальт,

Багийн ДАШТ-ий хүрэл медальт“Женко” клубийн тамирчин/,

Цэнд-Очирын Цогтбаатар /Сүхбаатарын одонт, “Сүлд” спорт хорооны тамирчин/